आरवलीत पांढऱ्या कमळांचा बहर; निसर्गाने उधळली सौंदर्याची चादर!

वेंगुर्लेच्या आरवलीत पांढऱ्या कमळांचा बहर पाहायला मिळत आहे. निसर्गसौंदर्य आणि धार्मिक महत्त्वाचे अद्भुत संगम.

Sindhudurg

तळकोकणातील वेंगुर्ले तालुक्यातील आरवली गावात सध्या पांढऱ्या कमळांचा सुंदर बहर पाहायला मिळत आहे.

पाणथळ भागात एखाद्या पांढऱ्या चादरीप्रमाणे ही कमळे फुलली असून संपूर्ण परिसर निसर्गरम्य दिसत आहे.

ऑक्टोबर हा कमळे फुलण्याचा हंगाम असल्याने सध्या येथे पर्यटकांचीही मोठी गर्दी दिसते.

रेडी-रेवस सागरी महामार्गावरून जाणाऱ्यांचे लक्ष या मोहक कमळांच्या मळ्यांकडे वेधले जाते.

धार्मिक कार्यात पांढऱ्या कमळाला विशेष महत्त्व असून कोल्हापूरच्या महालक्ष्मी देवीच्या पूजेसाठीही ही फुले पाठवली जातात.

Continues below advertisement

तसेच आरवलीच्या वेतोबाला, ज्यांना ‘प्रति बालाजी’ म्हणतात, त्यांना देखील पांढऱ्या कमळांचा अंगरखा अर्पण केला जातो.