PHOTOS : गणपती गावाला जाताच 'श्रावण' सुटला, मच्छीमार्केट अन् मटनाच्या दुकानाबाहेर रांगा लागल्या

Sindhudurg News : तळकोकणात गणपती विसर्जनानंतर मच्छ खवय्यांची मच्छी मार्केट आणि मटण मार्केटमध्ये तुंबळ गर्दी झाली आहे.

Sindhudurg News

श्रावण महिना आणि गणपतीच्या पार्श्वभूमीवर मासांहारी अन्नपदार्थांपासून दूर असलेले खवय्ये आता पुन्हा मच्छी-मटणाकडे वळले आहेत.

अनेकजण श्रावण आणि गणेशोत्सव काळात मासांपासून वर्ज्य करतात.

त्यामुळे 45 दिवसांनी मासे खाण्याची पहिली संधी मिळाली.

सिंधुदुर्ग जिल्ह्यातील प्रमुख बाजारपेठ कुडाळ येथे रविवारी मच्छी खरेदीसाठी ग्राहकांनी मोठी गर्दी केली.

माशांचे दर तुलनेत जास्त असल्याचे पाहायला मिळाले.

मात्र, ग्राहक मोठ्या प्रमाणावर माशांची खरेदी करत असल्याचे चित्र आहे.

मच्छीबरोबरच मटणाच्या दुकानांमध्ये देखील मोठी गर्दी असल्याचे दिसून आले.

सर्वसामान्य बाजारपेठांच्या तुलनेत मच्छी मार्केटमध्ये गर्दीचे प्रमाण अधिक होते.

अनेक कुटुंबांनी रविवारी मच्छी-भात, सोलकढी अशा पारंपरिक जेवणाची रेलचेल केली.

दरम्यान, रायगड जिल्ह्यातील सर्वात मोठे बंदर आणि मच्छी मार्केट असलेल्या अलिबागमध्ये देखी नागरिकांचील गर्दी उसळली आहे.