Konkan railway : कोकण रेल्वेची वाहतूक विस्कळीत, अंजनी ते चिपळूण दरम्यान ट्रॅकवर माती

कोकण रेल्वे ठप्प, कोकण रेल्वे मार्गावरील अंजनी ते चिपळूण दरम्यान ट्रॅकवर माती आली आहे.

मागील दीड तासापासून कोकण रेल्वेची वाहतूक विस्कळीत झाली आहे.

मुंबईहून येणारी मांडवी एक्सप्रेस खेड रेल्वे स्थानकात थांबवण्यात आली आहे. इतरही गाड्या विविध स्थानकांवर थांबवल्या आहेत.

कोकण रेल्वेच्या वाहतुकीवरती फारसा मोठा परिणाम होणार नाही, अशी माहिती कोकण रेल्वेकडून देण्यात आली आहे.

कोकणात मागील आठ दिवसापासून मुसळधार पाऊस सुरु आहे. सध्या मात्र पावसाने विश्रांती घेतली आहे.

अंजनी चिपळूण दरम्यान माती ट्रॅकवर आली, कोणतीही मोठी आणि हानी नाही सर्व काही सुरक्षित

रेल्वे ठप्प झाल्यामुळे खेड स्थानकांवर प्रवाशांची गर्दी झाली आहे.

पुढील सूचना येईपर्यंत खेड रेल्वे स्थानकात तिकीट विक्री थांबवली आहे..