Shraddha Walker Murder Case: आरोपीने लेकीचे 35 तुकडे केले, बाप शेवटपर्यंत लढत राहिला; श्रद्धा वालकरच्या वडिलांचा अचानक मृत्यू, नेमकं काय घडलं?

Shraddha Walker Murder Case: मुंबईला लागून असलेल्या वसई परिसरातील त्यांच्या राहत्या घरी विकास वालकर निधन झाले.

Shraddha Walker Murder Case

श्रद्धा वालकर (Shraddha Walker Murder Case) हिचे वडील विकास वालकर (Vikas Walkar) यांचे निधन झाले आहे.

मुंबईला लागून असलेल्या वसई परिसरातील त्यांच्या राहत्या घरी विकास वालकर निधन झाले.

विकास वालकर यांच्या मृत्यूचं कारण अद्याप समोर आलेलं नाहीय. मात्र विकास वालकर बऱ्याच काळापासून नैराश्यात होते. विकास वालकर यांचा मृतदेह शवविच्छेदनासाठी पाठवण्यात आला असून अद्याप त्याचा रिपोर्ट आलेला नाही.

2022 मध्ये दिल्लीत श्रद्धा वालकरची हत्या झाली होती. तिचा लिव्ह-इन पार्टनर आफताब पूनावालाने तिची हत्या केली होती. दिल्ली पोलिसांनी 12 नोव्हेंबर 2022मध्ये आफताबला अटक केली. तेव्हापासून तो दिल्लीच्या तिहार तुरुंगात आहे. या हत्येचा खटला न्यायालयात सुरू आहे.

आपल्या मुलीला मृत्यूनंतर न्याय मिळावा म्हणून विकास वालकर न्यायालयीन खटला लढत होते. आरोपी आफताबने श्रद्धाच्या शरीराचे जवळपास 35 तुकडे करून तिचे मृतदेहाचे तुकडे दिल्लीतील वेगवेगळ्या भागात फेकले होते.

सदर प्रकरणी पोलिसांनी त्याची कसून तपासणी केली असता त्याने श्रद्धाच्या शरीराचे तुकडे फ्रिजमध्ये ठेवल्याचंही उघड झालं होतं.

विशेष म्हणजे सहा महिन्यानंतर श्रद्धाचे वडील विकास यांनी मुलगी हरवल्याची पोलीस ठाण्यात तक्रार नोंदवली होती.

अडीच महिन्यापासून आपल्या मुलीचा काहीच संपर्क होत नसल्याचं त्यांनी म्हटलं होतं. त्यानंतर पोलिसांनी या प्रकरणाचा तपास सुरू केला होता.

आज विकास वालकर यांचा अचानक मृत्यू झाल्याने श्रद्धा वालकरच्या आरोपीला फाशी कधी मिळणार, असा प्रश्न पुन्हा उपस्थित झाला आहे.