Jaykumar Gore Accident: चालकाचं नियंत्रण सुटलं, गाडी थेट 50 फूट दरीत कोसळली; अपघातात भाजप आमदार जखमी

साताऱ्यातील मान खटाव मतदार संघाचे आमदार जयकुमार गोरे यांच्या गाडीला अपघात झाला आहे. या अपघातात जयकुमार गोरे जखमी झाले आहेत.

साताऱ्यातील फलटण येथे जयकुमार गोरेंच्या गाडीला अपघात झाला.

सध्या त्यांची प्रकृती स्थिर असल्याची माहिती मिळतेय. मात्र, त्यांच्या बरगड्या आणि पायाला बराच मार लागल्याची माहिती मिळतेय.

नदीच्या पुलाला लावलेल्या तारा तोडून गाडी सुमारे 50 फूट खोल दरीत कोसळल्याची माहिती मिळत आहे.

जयकुमार गोरे मुंबईहून आपल्या घराकडे रवाना होत असताना त्यांच्या गाडीला भीषण अपघात झाला. या अपघातात आमदार जयकुमार गोरेंसह इतरही तीन जण जखमी झालेत.

जयकुमार गोरे यांच्यावर पुण्यातील रुबी रुग्णालयात उपचार सुरू आहेत.

अपघात झाला कशामुळे याची चौकशी सुद्धा पोलीस करत आहेत.