Photo : महाबळेश्वरजवळ मजुरांचा टॅम्पो दरीत कोसळला, टॅम्पोत 50 मजूर

महाबळेश्वर येथील मुगदेव इथं मजुरांचा टॅम्पो दरीत कोसळल्याची घटना घडली. या टॅम्पोत सुमारे 50 कामगार असल्याची माहिती मिळत आहे.

Accident

महाबळेश्वर जवळच्या मुगदेव इथं मजुरांचा टॅम्पो दरीत कोसळला आहे. टॅम्पोत 50 कामगार असल्याची माहिती मिळत आहे.

हे सर्व मजूर मुंबईतून आल्याची माहिती मिळाली आहे. हे मजूर सातारा जिल्ह्यात कामासाठी जात होते. त्यावेळी महाबळेश्वरजवळ अपघाताची घटना घडली.

या टॅम्पोतील 15 मजुरांना बाहेर काढण्यात यश आल्याची माहिती मिळते आहे. यामध्ये अनेकजण जखमी झाले आहेत.

जखमींमध्ये आठ महिन्याच्या गरोदर मातेचा देखील समावेश आहे. तसेच लहान मुलेही या अपघात जखमी झाल्याची माहिती मिळत आहे.

तळदेवच्या प्राथमिक आरोग्य केंद्रात जखमींवर उपचार सुरु आहेत. या जखमींमध्ये अनेक लहान मुलांचा समावेश आहे.

मजुरांच्या या टॅम्पोचा अपघात नेमका कसा झाला, याबाबतची माहिती अद्याप मिळाली नाही.

अपघाताची माहिती मिळताच मुगदेव येथील ग्रामस्थ घटनास्थळी दाखल झाले होते. ग्रामस्थांनी जखमींना बाहेर काढले.

मुगदेव येथील ग्रामस्थांनी अपघातात जखमी झालेल्यांना त्वरीत रुग्णालयात दाखल केले आहे.

महाबळेश्वर जवळच्या मुगदेव इथं मजुरांचा टॅम्पो दरीत कोसळला आहे. टॅम्पोत 50 कामगार असल्याची माहिती मिळत आहे.