Miraj Accident: ट्रॅक्टर आणि बोलेरोच्या भीषण धडकेत कोल्हापुरातील एकाच कुटुंबातील 5 जणांचा अंत

अवघ्या दोन दिवसांपूर्वी मिरजपासून सुरु झालेल्या होणाऱ्या रत्नागिरी नागपूर राष्ट्रीय महामार्गावर ट्रॅक्टरच्या बेदरकारपणामुळे एकाच कुटुंबातील पाच जणांचा अंत झाला आहे.

बोलेरो आणि विरुद्ध दिशेने येत असलेला विटाने भरलेल्या ट्रॅक्टरची समोरासमोर धडक होऊन भीषण अपघातात एकाच कुटुंबातील 5 जणांचा अंत झाला.

मिरजजवळ वड्डी गावाजवळ हा अपघात झाला.

अपघातात एकाच कुटुंबातील 5 जण मयत झाले असून 2 जण जखमी आहेत.

बोलेरो गाडीमधील एकाच कुटुंबातील सर्वजण कोल्हापूरहुन पंढरपूरच्या दिशेने चालले होते.

यावेळी विरुद्ध दिशेने येणाऱ्या ट्रॅक्टरला बोलेरोची धडक बसली.

ही धडक इतकी भीषण होती की, बोलेरो समोरून पूर्णपणे ट्रॅक्टरच्या समोरच्या भागात घुसली.

वड्डी गावाच्या हद्दीत बोलरे गाडी पोहोचली असता राँग साईडने विटाने भरलेला ट्रॅक्टर अचानक समोर आला.

यावेळी भरधाव असणारी बलेरो समोरून येणाऱ्या ट्रॅक्टरवर जाऊन आदळली.

जखमींना तातडीने मिरजेच्या शासकीय रुग्णालयात उपचारासाठी दाखल करण्यात आले आहे.