Sangli Ganesh Darshan : तासगावमधील श्री गणपती पंचायतनचा 244 वा रथोत्सव उत्साहात; दीड दिवसाच्या गणपतीचे विसर्जन

तासगावमधील श्री गणपती पंचायतनचा 244 वा रथोत्सव उत्साहात पार पडला.

गणपती पंचायतन संस्थानच्या ऐतिहासिक दीड दिवसाच्या गणपतीचे विसर्जन देखील करण्यात आले.

मंगलमुर्ती मोरयाच्या घोषात बारा बलुतेदार आणि भाविक गणरायाचा रथ दोरखंडाच्या सहाय्याने ओढतात.

गणपती मंदिर ते समोर अर्धा किमीवर असलेल्या श्री काशिविश्‍वेश्‍वर मंदीरापर्यंत बारा बलुतेदार हा रथ ओढत नेतात.

रथ ओढण्यास सुरवात झाल्यानंतर गुलाल व पेढ्यांची उधळण करण्यात आली.

रथासमोरील मानवी मनोरे, झांजपथक, समोर दिमाखात चालणारी ‘गौरी’ हत्तीण यामुळे गणपती मंदिर समोरचा संपूर्ण परिसर मंगलमय वातावरणाने नाहून गेला होता.

श्री गणपती पंचायतन देवस्थान संस्थानचे विश्वस्त आणि मानकऱ्यांच्या भक्तिभावपूर्ण योगदानाने परंपरेचा लौकिक वृद्धिंगत होत आहे.

तासगावचे गणेशमंदिर हे दाक्षिणात्य स्थापत्यकलेचा वारसा म्हणूनच ओळखले जाते.

उजव्या सोंडेची गणेशमूर्ती हेदेखील अनोखेपण आहे.

रथोत्सवासाठी दीड लाखाहून अधिक लोक येत असतात.