मालवणचा राजकोट किल्ला उघडला, शिवरायांचा विशाल पुतळा पुन्हा पाहता येणार!

दोन महिन्यांच्या दुरुस्तीनंतर मालवणमधील राजकोट किल्ला पर्यटकांसाठी उघडला आहे.

Rajkot Fort, Sindhudurg

सिंधुदुर्ग जिल्ह्यातील मालवण मधील ऐतिहासिक राजकोट किल्ला तब्बल दोन महिन्यांच्या प्रतीक्षेनंतर पुन्हा पर्यटकांसाठी खुला करण्यात आला आहे.

छत्रपती शिवाजी महाराजांच्या पुतळ्याच्या चबुतऱ्याच्या सभोवतालचा पदपथ खचल्याने त्याची दुरुस्ती करण्यासाठी २२ जूनपासून किल्ला बंद ठेवण्यात आला होता.

या कालावधीत सार्वजनिक बांधकाम विभागाकडून पदपथ दुरुस्ती व अन्य आवश्यक कामे करण्यात आली.

पावसाळ्यात सिंधुदुर्ग किल्ला बंद असल्याने पर्यटकांसाठी राजकोट किल्ला आणि शिवपुतळा हे मोठे आकर्षण ठरतात.

मात्र दुरुस्तीमुळे पर्यटकांना या ठिकाणापासून दोन महिने दूर राहावे लागले.

अखेर काम पूर्ण झाल्यानंतर किल्ला पुन्हा खुला करण्यात आला आहे.

पर्यटकांनी किल्ला खुला होताच मोठ्या संख्येने हजेरी लावण्यास सुरुवात केली असून परिसर पुन्हा गजबजला आहे.