ताम्हिणी घाटात ST बसचा भीषण अपघात, कारचा चेंदामेंदा; कारमधील 2 ठार 3 जखमी

रायगड जिल्ह्यातील ताम्हिणी घाटात कार व एसटी बसचा भीषण अपघात झाला असून या अपघातात दोन जणांचा जागीच मृत्यू झाल्याची दुर्दैवी घटना घडली.

Raigad tamhini ghat car accident

रायगड जिल्ह्यातील ताम्हिणी घाटात कार व एसटी बसचा भीषण अपघात झाला असून या अपघातात दोन जणांचा जागीच मृत्यू झाल्याची दुर्दैवी घटना घडली.

अपघाताची तीव्रता भीषण असल्याचं अपघात ठिकाणचे फोटो पाहून लक्षात येतं. कारण, या अपघातात कारचा चेंदामेंदा झाल्याचं दिसत आहे. दुर्दैवाने अपघातात दोघांचा मृत्यू तीन जण जखमी आहेत.

ताम्हिणी घाटात रायगड जिल्ह्याच्या हद्दीत रेस्ट हाऊसच्या अलीकडे मंगळवारी एसटी बस आणि कारचा भीषण अपघात झाला. कारमधील दोघांचा जागीच मृत्यू झाला असून तिघेजण जखमी आहेत.

पुण्याच्या दिशेकडे जात असलेली खेड-चिंचवड ही एसटी बस आणि पुण्याच्या दिशेकडून माणगाव दिशेकडे येत असलेली स्विफ्ट कार यांच्यात हा अपघात झाला.

स्विफ्ट कार चालकाचा वाहनावरील ताबा सुटल्याने हा अपघात झाल्याची प्राथमिक माहिती समोर आली आहे. या अपघातात स्विफ्ट कारमधील चालक आणि एका महिलेचा जागीच मृत्यू झाला आहे.

अपघाताच्या घटनेनंतर स्थानिक व पोलीस प्रशासनाने घटनास्थळी धाव घेत मदत व बचावकार्याला सुरुवात केली. मात्र, अगोदरच दोन जणांचा मृत्यू झाला होता.

अपघाताच्या घटनेनंतर स्थानिक व पोलीस प्रशासनाने घटनास्थळी धाव घेत मदत व बचावकार्याला सुरुवात केली. मात्र, अगोदरच दोन जणांचा मृत्यू झाला होता.