Raigad Boat Mishap Drown: उरणच्या खोल समुद्रात मच्छिमारांची बोट बुडाली, बचावकार्य सुरु

Raigad Uran Boat Mishap: उरणच्या करंजा येथील समुद्रात एक मासेमारी बोट बुडाल्याची माहिती समोर आली आहे. ही बोट बुधवारी बुडाली होती. ही बोट बुडतानाचा व्हिडीओ व्हायरल

Uran Boat Mishap

उरण करंजा रायगड समुद्रामध्ये मासेमारी बोट बुडाल्याची घटना घडली असून, याबाबतची माहिती अद्याप स्पष्ट झालेली नाही.

गुरुवारी सकाळी साडेनऊ वाजता करंजा रिप्स येथे ही घटना घडली आहे.

ही मासेमारी नौका गुजरात येथील असल्याचे समजत आहे.

या घटनेची माहिती मिळताच सीआयएसएफ, आणि नौदालाच्या गस्त नौकाद्वारे बचावकार्य करण्यात आल्याचे सांगितले जात आहे.

मात्र, हा अपघात कशामुळे झाला, बोटीवर किती खलाशी होते? जिवीतहानी झालेली आहे का? किती नुकसान झाले? याबाबत अद्याप कोणतीही माहिती समोर आलेली नाही.

Continues below advertisement

वादळी हवामानामुळे मासेमारी बंदी असतानाही सदरची बोट समुद्रात कशी आली, असा सवाल आता उपस्थित केली जात आहे.

सदर घटनेसंदर्भात महाराष्ट्र मेरीटाईम बोर्ड, मत्स्य परवाना विभाग,कस्टम, पोलीस यांनी सदर घटनेसंदर्भात जातीने लक्ष केंद्रित करावे, अशी मागणी कोळी बांधवांकडून करण्यात येत आहे.

भारतीय नौदलाकडून अद्याप बोट दुर्घटनेच्या बचावकार्याबाबत माहिती देण्यात आलेली नाही.

उरणच्या खोल समुद्रात मच्छिमारांची बोट बुडाली, बचावकार्य सुरु