रायगडमध्ये रिक्षाचा भीषण अपघात, खड्डा चुकवताना थेट भोगावती नदीत कोसळली; रिक्षाचालक ठार, 1 गंभीर जखमी

रस्त्यावरील खड्ड्यांमुळे अनेकदा अपघाताच्या घटना घडतात, तर काहीवेळा वाहनाची गती हे देखील अपघाताचे प्रमुख कारण असते. आता, पेण येथेही अशीच अपघाताची घटना घडली आहे.

Raigad khopoli accident autorikshaw

रस्त्यावरील खड्ड्यांमुळे अनेकदा अपघाताच्या घटना घडतात, तर काहीवेळा वाहनाची गती हे देखील अपघाताचे प्रमुख कारण असते. आता, पेण येथेही अशीच अपघाताची घटना घडली आहे.

रायगड जिल्ह्याच्या पेण येथील भोगावती नदीजवळील हनुमान मंदिर परिसरात भीषण अपघाताची घटना घडली. या दुर्घटनेत एकाचा मृत्यू झाला असून एक जण गंभीर जखमी झाला आहे.

रिक्षाचालक रस्त्यावर पडलेल्या खड्ड्यातून स्वत:ला वाचविण्यासाठी गेला असता थेट भोगावती नदीत कोसळून मृत्यू पावल्याची घटना घडली आहे.

रिक्षाचालक एकनाथ किसन किंजवडे यांचा या अपघातात जागीच मृत्यू झाला. तर, त्यांच्यासोबत असणारे भूषण पाटील हे गंभीर जखमी झाले आहेत.

भोगावती नदीवरील पुलावर पडलेले खड्डे आणि नादुरुस्त अवस्थेत असणारे संरक्षित कठडे, यामुळे रिक्षा थेट खोल नदीत कोसळली.

Continues below advertisement

या घटनेनंतर स्थानिकांकडून संताप व्यक्त होत असून रिक्षाचालकास आपला जीव गमवावा लागल्याची भावना व्यक्त होत आहे.

याप्रकरणी पेण ग्रामस्थांकडून सार्वजनिक बांधकाम विभागाच्या भोंगळ कारभार बाबत तीव्र नाराजगी व्यक्त होत आहे. या घटनेसंदर्भात पेण पोलीस ठाण्यात गुन्हा नोंद करण्यात आला असून पुढील तपास पेण पोलीस करत आहेत.

दरम्यान, या अपघातात रिक्षाचा देखील चेंदामेंदा झाल्याचं पाहायला मिळत असून पोलिसांनी घटनास्थळी पोहोचून पंचनामा केलाय