Rain Update : अंबा नदीवरील पुलावर पाणी, वाकण-पाली वाहतूक बंद

Raigad

अंबा नदीवरील पुलावर पाणी आल्यामुळे सुधागड-पाली तालुक्यातील वाकण-पाली वाहतूक बंद करण्यात आली आहे.

पाली नजीकच्या अंबा नदीवरील पुलावर पाणी... सुधागड-पाली तालुक्यातील वाकण-पाली वाहतूक बंद ... 

गेल्या दोन दिवसांपासून रायगड जिल्ह्यात रेड अलर्ट देण्यात आले आहे.

याचाच परिणाम म्हणून पाली - सुधागड परिसरात जोरदार पाऊस झाल्याने पाली ते वाकण दरम्यान असलेल्या अंबा नदीवरील पुलावर पाणी साचले होते. यामुळे, या मार्गावरील वाहतूक ही दुपारपासून बंद करण्यात आली आहे. 

मंगळवार आणि बुधवार सकाळपासून पाली सुधागड परिसरात मोठ्या प्रमाणात पाऊस झाला असून मंगळवारी दिवसभरात सुमारे 110 मिमी पावसाची नोंद करण्यात आली आहे.

यामुळे, मंगळवारी दुपारपासून या मार्गावरील वाहतूक ही सुमारे 7 तास बंद ठेवण्यात आली होती. यामुळे, या परिसरात राहणाऱ्या रहिवासी आणि विद्यार्थ्यांना अडकून रहावे लागले होते. 

आज सकाळपासून झालेल्या पावसामुळे दुपारी एक वाजल्यापासून पुलावरील वाहतूक बंद करण्यात आली आहे. यामुळे, खोपोली आणि रोहा - नागोठणेकडे जाणारी वाहतूक बंद करण्यात आली आहे.

खालापूर तालुक्यातील पाताळगंगा नदीने इशारा पातळी ओलांडली आहे.