Sharad Pawar : चार दिवसाच्या राजकीय घडामोडीनंतर शरद पवार यांचं होम ग्राऊंडवर जय्यत स्वागत

राष्ट्रवादी काँग्रेसच्या अध्यक्षपदावरुन निवृतीची घोषणा आणि त्यानंतर निवृत्ती मागे या सगळ्या चार दिवसांच्या राजकीय घडामोडीनंतर शरद पवार हे आज बारामतीत दाखल झाले.

यावेळी कार्यकर्त्यांनी जल्लोष साजरा केला आणि त्यांचं स्वागतही केलं.

'लोक माझे सांगाती' या पुस्तकाच्या सुधारित आवृत्तीच्या प्रकाशनाच्या दिवशी शरद पवार यांनी राष्ट्रवादीच्या अध्यक्षपदावरुन निवृत्ती घेणार असल्याचं जाहीर केलं होतं.

शरद पवार यांच्या या निर्णयानंतर पक्षाच्या दिग्गज नेत्यांसह, पदाधिकारी आणि कार्यकर्ते हळहळले.

शरद पवारच अध्यक्ष राहतील त्यांनी निर्णय मागे घ्यावा,असं राष्ट्रवादीच्या अनेक नेत्यांचं आणि कार्यकर्त्यांचं म्हणणं होतं. तीन दिवस कार्यकर्त्यांनी उपोषण केलं.

त्यानंतर शरद पवार हे आज बारामतीत दाखल झाले. त्यावेळी कार्यकर्त्यांनी त्यांचं स्वागत केलं.

काल राजीनामा मागे घेतल्यावरही फटाके फोडून बारानातीतील कार्यकर्त्यांनी जल्लोष केला.

फक्त बारामतीतच नाही तर संपूर्ण महाराष्ट्रातील राष्ट्रवादीच्या नेत्यांनी जल्लोष साजरा केला होता.