इंजिनिअरिंगमध्ये तीनदा नापास झाला, पुण्यातील तरुणानं राजाराम पुलावरून नदीपात्रात उडी मारली, अन्..

Pune News: घटनेने परिसरात एकच खळबळ उडवून दिली असून, पोलिसांकडून अधिक तपास सुरू आहे.

Pune News

सध्या विद्यार्थ्यांमध्ये वाढत्या नैराश्याच्या घटना दिवसेंदिवस समोर येत होत असतानाच पुण्यात एक धक्कादायक घटना सोमवारी सकाळी घडली.

पुण्यातील राजाराम पुलावरून नदीपात्रात उडी घेऊन एका तरुणाने आत्महत्येचा प्रयत्न केल्याची धक्कादायक घटना समोर आली आहे.

मात्र, पुणे अग्निशमन दलाच्या जवानांनी दाखवलेली तत्परता आणि तातडीने रेस्क्यू ऑपरेशनमुळे त्याचे प्राण वाचवण्यात यश आले.

ही घटना सोमवारी सकाळी घडली. पार्थ लोहिया असं या तरुणाचं नाव असून, तो इंजिनिअरिंगचा विद्यार्थी आहे.

मिळालेल्या प्राथमिक माहितीनुसार, पार्थ याला सलग तीन वेळा परीक्षेत नापास झाल्याने नैराश्य आले होते. यामुळेच त्याने आयुष्य संपवण्याचा टोकाचा निर्णय घेतला असावा, असा अंदाज वर्तवला जात आहे.

राजाराम पुलावरून नदीत उडी घेतल्यानंतर काही क्षणातच ही माहिती अग्निशमन विभागाला मिळाली. तत्काळ कृती करत अग्निशमन दलाच्या जवानांनी नदीपात्रात उतरून पार्थला सुखरूप बाहेर काढले.

घटनेने परिसरात एकच खळबळ उडवून दिली असून, पोलिसांकडून अधिक तपास सुरू आहे.

इंजिनिअरिंगच्या परीक्षेत तीन वेळा आलेल्या अपयशामुळे पार्थने हे टोकाचे पाऊल उचलल्याचे समोर येत आहे.