Pune Rain Updates : पुण्यात काही ठिकाणी गारांचा पाऊस; पुढील तीन तास मुसळधार पावसाची शक्यता

पुण्यातील अनेक भागात जोरदार पावसाला सुरुवात झाली आहे.

कोथरुड, धनकवडी, सहकार नगर, कात्रज परिसरात गारांचा पाऊस पडत आहे.

आज आणि उद्या पुणे शहरात हवामान खात्याकडून येलो अलर्ट देण्यात आला होता.

पुणे वेधशाळेकडून शहरात जोरदार पावसाचा अंदाज देखील वर्तवण्यात आला होता.

दुपारच्या सुमारास आज पुन्हा पावसाला सुरुवात झाल्याने पुणेकरांची चांगलीच तारांबळ उडाली.

हवामान खात्याच्या अंदाजानुसार विजांच्या क़डकडाटासह तीन तास पाऊस पडण्याची शक्यता आहे.

पुण्यासह नाशिक, अहमदनगर आणि साताऱ्यात देखील पाऊस पडण्याची शक्यता आहे.

सकाळी ऊन, रात्री गारठा आणि संध्याकाळी पाऊस पडत असल्याने अनेकांच्या प्रकृतीवर परिणाम झाल्याचं दिसून आलं आहे.