Pune News: पुणे पोलिसांचा मनमानी कारभार? मॅरेथॉनसाठी पाषाण, बाणेर, शिवाजीनगर, बावधनमधील रस्ते बंद, पहाटे चारपासून लोक खोळंबले, काही जणांचे फ्लाईटही मीस

Pune News: जवळपास पहाटेच्या चार वाजल्यापासून लोक याठिकाणी थांबले आहेत. याबाबतची कोणतीही माहिती आधी दिली नसल्याची नागरिकांची तक्रार आहे.

Pune News

पुणे पोलीसांच्या मनमानी कारभारामुळे पुण्यातील पाषाण, बाणेर , शिवाजीनगर , बावधन भागातील रस्ते पहाटे साडे चार वाजल्यापासून बंद ठेवण्यात आले आहेत.

पोलीस डिपार्टमेंट , वन विभाग आणि एका खाजगी संस्थेकडून वृक्षाथॉन या मॅरेथॉन स्पर्धेचे आयोजन करण्यात आलं आहे.

मात्र या प्रमुख रस्त्यांवर मॅरेथॉन स्पर्धेचे आयोजन करण्यात येत असल्याची कोणतीही माहिती नागरिकांनी देण्यात आली नव्हती.

ज्यांना हॉस्पीटल इमर्जन्सी आहे अशा लोकांनाही पोलीस जाऊ देत नसल्याची नागरिकांची तक्रार आहे.‌ काही लोकांची फ्लाईट मीस झाल्या आहेत.

जवळपास पहाटेच्या चार वाजल्यापासून लोक याठिकाणी थांबले आहेत. याबाबतची कोणतीही माहिती आधी दिली नसल्याची नागरिकांची तक्रार आहे.

पर्यायी मार्ग त्यांनी द्यायला हवे, आणि या मॅरेथॉनचं आयोजन करणाऱ्यांनी याबाबतची पुर्वसूचना द्यायला हवी होती, अशी तक्रार देखील पहाटेपासून थांबलेल्या या नागरिकांनी केली आहे.