Pune News : राज ठाकरेंचा आदेश अन् पुण्यातील मनसैनिक झाडं घेऊन रस्त्यावर, खड्ड्यांमध्ये केलं वृक्षारोपण

महाराष्ट्र नवनिर्माण सेना (MNS) रस्त्यांवरील खड्ड्यांविरोधात आक्रमक झाली आहे.

मात्र, हे आंदोलन खळ्ळखट्याक पद्धतीने नव्हे तर अभिनव मार्गाने होणार आहे.

मनसे अध्यक्ष राज ठाकरे यांनी मनसे कार्यकर्त्यांना रस्त्यांवरील खड्ड्यांमध्ये वृक्षरोपण करण्याचे आवाहन केले.

या आंदोलनामुळे तरी प्रशासन जागे होईल, असे राज ठाकरे यांनी म्हटलं.

त्यांच्या आदेशानुसार आज पुण्यातील विविध परिसरात मनसेतर्फे आंदोलन करण्यात आलं आहे.

पुण्यातील विविध परिसरातील खड्ड्यांमध्ये झाडं लावण्यात आली आहेत.

शहराध्यक्ष साईनाथ बाबर यांच्यासोबतच मनसेचे विविध पदाधिकारी आणि कार्यकर्ते उपस्थित होते.

घोषणाबाजी करत सगळ्या कार्यकर्त्यांनी खड्ड्यांमध्ये वृक्षरोपण केलं आहे.