Pune Ganeshotsav 2023 : भारतीय लष्कराच्या सदर्न कमांड तर्फे 'दगडूशेठ' गणपतीची आरतीच 300 हून अधिक जवान हजर

'भारत माता की जय'च्या घोषणा देत सीमेवर 24 तास खडा पहारा देणा-या भारतीय लष्कराच्या सदर्न कमांड मधील 300 हून अधिक अधिकारी आणि जवानांनी 'दगडूशेठ' गणपतीची आरती केली.

भारतीय लष्कराच्या प्रमुख केंद्रांपैकी एक असलेल्या सदर्न कमांड (दक्षिणी मुख्यालय) मधील 330 कमांडचे जवान 'दगडूशेठ' गणपती चरणी नतमस्तक झाले.

श्रीमंत दगडूशेठ हलवाई सार्वजनिक गणपती ट्रस्ट, सुवर्णयुग तरुण मंडळ च्यावतीने ट्रस्टच्या १३१ व्या वर्षी गणेशोत्सवात जवानांचे स्वागत करण्यात आले.

यावेळी लेफ्टनंट जनरल ए.के.सिंग, मेजर जनरल, ब्रिगेडियर, कर्नल, मेजर, कॅप्टन, सुभेदार यांसह लष्करातील वरिष्ठ अधिका-यांच्या हस्ते आरती झाली.

ट्रस्टचे कोषाध्यक्ष महेश सूर्यवंशी, उपाध्यक्ष सुनील रासने, उत्सव प्रमुख अक्षय गोडसे, सरचिटणीस अमोल केदारी, राजाभाऊ पायमोडे, इंद्रजीत रायकर, माऊली रासने, राजू आखाडे, अमोल चव्हाण आदी उपस्थित होते.

पुण्यात असलेल्या 24 मराठा बटालियन, 15 जाट बटालियन आणि 1 महार बटालियनचे जवान आणि कुटुंबीय यावेळी सहभागी झाले होते.

गणपती बाप्पा मोरया... च्या जयघोषाने संपूर्ण परिसर दुमदुमून गेला. यावेळी सदर्न कमांड तर्फे ट्रस्टला सन्मानचिन्ह देखील देण्यात आले.

यावेळी प्रसन्न वातावरण निर्माण झालं होतं.