Pune Bandh : पुणे बंदमुळे लक्ष्मी रोड बंद, बाजारात शुकशुकाट!

आज पुणे बंदची (Pune Bandh) हाक दिली आहे. यात कोणताही अनुचित प्रकार घडू नये यासाठी पोलिसांनी सुमारे साडेसात हजार पोलिसांचा बंदोबस्त ठेवला आहे.

सामाजिक संघटना, कॉंग्रेस, राष्ट्रवादी काँग्रेस, शिवसेना यांनी पुकारलेल्या पुणे बंदचा परिणाम आज दिसून येत आहे.

त्या सोबतच पुण्यातील व्यापारी संघटना आणि गणेशोत्सव मंडळांनीदेखील पाठिंबा दिला आहे.

पुणे बंदचा परिणाम आज पुण्यातल्या गजबजलेल्या ठिकाणी दिसून येतोय.

आपण पाहत असलेले फोटो हे पुण्याची गजबजलेली बाजारपेठ म्हणजेच लक्ष्मी रोडचे आहेत.

सध्या लग्नसराईचा सीजन सुरु असल्याने लक्ष्मी रोड दिवसभर गजबजलेला असतो.

पण इथल्या व्यापाऱ्यांनी दुकानं बंद ठेऊन पुणे बंदला पाठींबा दिल्याचं दिसून येत आहे.

राज्यपालांविरोधात असलेल्या या बंदला पुणेकरांचा चांगलाच प्रतिसाद मिळत असल्याचं चित्र आहे.