Pune Accident: पुणे सातारा महामार्गावर खड्ड्यामुळं अचानक ब्रेक दाबला, एकामागोमाग एक 3 कार एकमेकांना धडकल्या, भीषण अपघातात कारचं मोठं नुकसान

Pune Accident: पुणे सातारा महामार्गावरील नसरापूर, चेलाडी जवळच्या उड्डाणंपुला दरम्यान ही घटना घडली आहे.

Pune Accident

पुणे सातारा महामार्गावर रस्त्यावर खड्डा समोर आल्याने कारने अचानक ब्रेक दाबल्यानं एकामागोमाग एक अशा 3 कार एकमेकांना धडकून अपघात झाल्याची घटना घडली आहे.

पुणे सातारा महामार्गावरील नसरापूर, चेलाडी जवळच्या उड्डाणंपुला दरम्यान ही घटना घडली आहे.

सुदैवाने यात कुणालाही गंभीर दुखापत झाली नाही, कारचं मात्र यात मोठं नुकसान झालं आहे.

या घटनेनंतर साताऱ्याहून पुण्याच्या दिशेने जाणाऱ्या मार्गावर काहीकाळ वाहनांच्या रांगा लागल्या होत्या.

या घटनेनंतर करोडो रुपयांचा निधी खर्चूनही असा दर्जाहीन पूल आणि रस्ते कशासाठी? असा सवाल स्थानिकांनी एनएचआय समोर उपस्थित केला आहे.

Continues below advertisement

स्थानिक नागरिकांनी वारंवार तक्रारी करूनही महामार्ग प्राधिकरणाकडून कोणतीही दखल घेतली जात नाही.

काम करताना दर्जा पाळला जात नसल्याने आणि वेळेवर देखभाल न केल्याने वाहनचालकांना जीव धोक्यात घालून प्रवास करावा लागतोय. त्यामुळं नागरिकांनी संताप व्यक्त केलाय.

पुणे सातारा महामार्गावरील नसरापूर, चेलाडी जवळच्या उड्डाणंपुला दरम्यान ही घटना घडली आहे.