Pune Govinda Reservation: लुडो, गोट्या अन् मंगळागौरीचे खेळ खेळत गोविंदांच्या आरक्षणाविरोधात राष्ट्रवादीचं उपहासात्मक आंदोलन

गोविंदांना पाच टक्के आरक्षण जाहीर केल्यानंतर पुण्यातील एमपीएससीच्या विद्यार्थांनी विरोध दर्शवला. आता राष्ट्रवादी कॉंग्रेसने एकत्र येत पुण्यातील फर्ग्यूसन रोडवर आंदोलन केलं.

या आंदोलनात अनेक विद्यार्थी आणि राष्ट्रवादीचे नेते सहभागी झाले होते.

अभ्यास सोडा, गोविंदा बना अशी घोषणाबाजी केली.

यावेळी विटी दांडू, गोट्या, फुगड्या आणि मंगळागौरीचे खेळ करत ते या खेळालाही आरक्षण देणार का?, असा प्रश्न उपस्थित केला.

स्पर्धा परिक्षेच्या विद्यार्थ्यांच्या कष्टाला कमी लेखण्यारं सरकार आम्हाला नको, असं मत देखील त्यांनी व्यक्त केलं.

आम्ही आयुष्यभर अभ्यासच करायचा का? असा सवाल स्पर्धा परिक्षेच्या विद्यार्थ्यांनी व्यक्त केला.

विद्यार्थीनींनी लुडोचा डाव मांडला आणि विरोध दर्शवला

स्पर्धा परिक्षेचे विद्यार्थींनी रस्त्यावर गोट्या खेळत संताप व्यक्त केला.