Jejuri News : चांद्रयानाच्या यशस्वी लँडिंगसाठी जेजुरीत खंडोबाला दुग्धाभिषेक

चांद्रयानाचे चंद्रावर यशस्वी लँडिंग व्हावे म्हणून आज खंडोबाला दुग्धाभिषेक घालण्यात आला.

चांद्रयान आज सायंकाळी चंद्रावर सॉफ्ट लँडिंग करणार आहे.

त्यापूर्वी हे यांन चंद्रावर सुरक्षित उतरावे म्हणून मार्तंड देवस्थानाच्यावतीने जेजुरीच्या खंडोबा मंदिरात अभिषेक घालण्यात आला आहे.

चांद्रयान मोहीम यशस्वी व्हावी म्हणून खंडोबाला प्रार्थना करण्यात आली.

यावेळी काही जेजुरीकरदेखील मंदिरात उपस्थित होते.

खंडोबाकडे सगळ्यांनी चांद्रयानाची मोहीम यशस्वी होऊ दे, यासाठी साकडं घातलं.

दुग्धाभिषेक केल्यानंतर भक्तांनी भंडाऱ्याची उधळणदेखील केली.

जेजुरीतच नाही तर चांद्रयान मोहीमेसाठी राज्यातील वेगवेगळ्या मंदिरांमध्ये अभिषेक आणि महाआरती केली जात आहे.