Bhimashankar Temple : भीमाशंकरचा देवस्थानकडून मोठा निर्णय; व्हीआयपी अन् सामान्य भाविकांसाठी एकच नियम, ऑनलाईन बुकिंगशिवाय दर्शन नाही

Bhimashankar Temple : शासकीय अधिकारी, लोकप्रतिनिधी किंवा इतर कोणत्याही व्हीआयपी व्यक्तीसाठी स्वतंत्र दर्शन व्यवस्था उपलब्ध राहणार नाही.

Bhimashankar Temple

श्रीक्षेत्र भीमाशंकर देवस्थानाकडून व्हीआयपी दर्शन व्यवस्थेला पूर्णविराम दिला असुन यापुढे सर्व भाविकांसाठी समान नियम लागू राहणार असून ऑनलाईन बुकिंगशिवाय दर्शनाला प्रवेश मिळणार नाही.

भीमाशंकर देवस्थान प्रशासन आणि जिल्हा प्रशासनाच्या बैठकीत हा महत्त्वाचा निर्णय घेण्यात आला.

शासकीय अधिकारी, लोकप्रतिनिधी किंवा इतर कोणत्याही व्हीआयपी व्यक्तीसाठी स्वतंत्र दर्शन व्यवस्था उपलब्ध राहणार नाही.

सर्व भाविकांना एकाच नियमातून दर्शनाची सुविधा मिळणार आहे. दर्शन व्यवस्थेत समानता आणि पारदर्शकता आणण्याच्या उद्देशाने हा निर्णय लागू करण्यात आला.

सध्या २४ तारखेपर्यंतचे सर्व ॲानलाईन बुकिंग स्लॉट भरले असून भाविकांनी किमान दोन दिवस अगोदर ऑनलाईन बुकिंग करूनच दर्शनासाठी यावे, असे आवाहन देवस्थान प्रशासनाकडून करण्यात आले.

Continues below advertisement

भिमाशंकर देवस्थानचे मुख्यविश्वस्त मधुकर गवांदे यांनी माहिती देताना सांगितलं की, काल जिल्हाधिकारी (कलकत्ता) साहेबांच्या मीटिंगमध्ये असं ठरलेलं आहे की व्हीआयपी (VIP) असं काही नाहीये.

ज्यांना दर्शन करायचं असेल त्यांनी सर्वांनी बुकिंग करावं आणि बुकिंग केल्यानंतर यावं. तर अशी माझी विनंती आहे की सर्व मंडळींनी, शासकीय असो किंवा कोणीही असो, त्यांनी सर्वांनी बुकिंग करावं आणि बुकिंग लाईनने दर्शनाला यावं.

आतापर्यंत २४ तारखेपर्यंत बुकिंग पूर्ण झालेलं आहे. तेव्हा होणारे बुकिंग जे आहे ते दोन दिवस अगोदर उघडलं जातं. तेव्हा दोन दिवस अगोदर नंतर बुकिंग तुम्हाला मिळेल.

तर बुकिंग करा आणि सर्वांनी दर्शनाला यावं, अशी आमच्या संस्थांच्या तर्फे आम्ही तुम्हाला विनंती करीत आहोत. अशा पद्धतीने सर्वांना माहिती द्यावी, अशी नम्र विनंती."

भीमाशंकर दर्शनासाठी नियमावली घालून दिली आहे, मंदिर व्यवस्थापन समितीचे अधिकृत वेबसाईटवर बुकिंग करावे. प्रति दिन 1000 भाविकांना प्रवेश देण्यात येईल.

नोंदणीकृत भाविकांची यादी माहितीसाठी संकेतस्थळावर सर्वांसाठी उपलब्ध राहील. दि. 15 जून ते 30 जून 2026 या कालावधीत दररोज सकाळी 7.00 ते 11.00 वा. दर्शन सुविधा उपलब्ध राहील.

ऑनलाईन नोंदणी केलेल्या भाविकांनी दर्शनासाठी येताना वैध ओळखपत्र सोबत आणणे अनिवार्य राहील.

भाविकांनी तसेच स्थानिक नागरिकांनी सदर निर्णयाचे गांभीर्य लक्षात घेऊन मंदिर संस्थान, जिल्हा प्रशासन, पोलीस प्रशासन व स्थानिक प्रशासन यांना सहकार्य करण्याचं आवाहन करण्यात आलंय

तर सर्व भाविकांना एकाच नियमातून दर्शनाची सुविधा मिळणार आहे. दर्शन व्यवस्थेत समानता आणि पारदर्शकता आणण्याच्या उद्देशाने हा निर्णय लागू करण्यात आला.

नोंदणीकृत भाविकांची यादी माहितीसाठी संकेतस्थळावर सर्वांसाठी उपलब्ध राहील.

दि. 15 जून ते 30 जून 2026 या कालावधीत दररोज सकाळी 7.00 ते 11.00 वा. दर्शन सुविधा उपलब्ध राहील.