बारामतीत घरावरील पत्रे उडाले, शेतातील झाडे वाकली; अवकाळीनं बळीराजावर संकट

हवामान खात्याने वर्तवलेल्या अंदाजानुसार राज्यातील अनेक जिल्ह्यात वादळी वाऱ्यासह पावसाने हजेरी लावली होती. या अवकाळी पावसामुळे फळबागांचे मोठे नुकसान झाले आहे.

Rain in baramati

हवामान खात्याने वर्तवलेल्या अंदाजानुसार राज्यातील अनेक जिल्ह्यात वादळी वाऱ्यासह पावसाने हजेरी लावली होती. या अवकाळी पावसामुळे फळबागांचे मोठे नुकसान झाले आहे.

पुणे, सांगली, सातारा, सोलापूर, हिंगोली जिल्ह्यासह बेळगावमध्येही पावासाने जोरदार हजेरी लावली. एकीकडे नेत्यांच्या प्रचारसभा सुरू असताना दुसरीकडे पावसानेही मारा केला

सांगली जिल्ह्यातील वाळवा तालुक्यात शेतकऱ्यांचं मोठं नुकसान झालं आहे, ऊसशेती इतरही दोडका, भोपळा उत्पादक शेतकऱ्यांच्या पीकांवर पाणी फेरलंय.

बारामती तालुक्यातील बाबुर्डी परिसरातही सायंकाळी पाच वाजताच्या सुमारास अवकाळी पावसाने धुमाकूळ घातला होता.

सोसाट्याच्या वादळीवाऱ्याने गावातील चार शेतकऱ्यांच्या घराचे पत्रे उडून गेल्याने मोठे नुकसान झाले.घरातील वस्तूंचे व अन्नधान्य भिजल्याने मोठया प्रमाणात नुकसान झाले आहे.

वादळीवारे मोठया प्रमाणावर असल्याने गावातील शेतकऱ्यांचे मोठे नुकसान झाले आहे. याशिवाय वादळीवाऱ्याने वीजचे खांब मोडल्याने गावातील वीजपुरवठा खंडीत झाला आहे.

बारामतीचे तहसीलदार गणेश शिंदे यांनी सदर नुकसानीचे तातडीने पंचनामे करण्याच्या सूचना महसूल विभागातील अधिकाऱ्यांना दिल्याल्याची माहिती दिली.