Old Pension Scheme : 'एकच मिशन, जुनी पेन्शन' ; पुण्यात सरकारी कर्मचाऱ्यांचा मोर्चा

जुनी पेन्शन योजना लागू करावी, या प्रमुख मागणीसाठी राज्यातील सरकारी कर्मचाऱ्यांनी बेमुदत संप पुकारला आहे.

यामुळे सरकारी रुग्णालये, शाळा, कॉलेज, पालिका, बहुतांशी सरकारी विभाग ठप्प झाले आहेत. याचा फटका दहावी आणि बारावीच्या निकालावरही होणार आहे.

राज्यभरातील सरकारी आणि निम सरकारी कर्मचारी संप पुकारला आहे.

सरकारकडून कोणतेही ठोस आश्वासन न मिळाल्याने कर्मचारी संपावर ठाम आहेत. सरकारकडून समिती स्थापन करणार असे सांगण्यात येत असले तरी निर्णयाची शाश्वती सरकार देत नसल्याने कर्मचारी संपावर असल्याचे समजतेय.

पुण्यातील मध्यवर्ती कार्यालयासमोर हे सगळे कर्मचारी जमले होते.

यावेळी त्यांनी विविध घोषणा केल्या.

सर्व कर्मचारी संपात सहभागी झाले आहेत त्यामुळे कार्यालये ओस पडली होती.शाळाही ओस पडलेल्या बघायला मिळाल्या.