Pune-Bengaluru Expressway : काळाचा घाला, पुणे-बंगळुरु महामार्गावरील भीषण अपघातात चार जण मृत्युमुखी

Pune-Bengaluru Expressway : पुणे-बंगळुरु महामार्गावर झालेल्या भीषण अपघात चार जणांचा मृत्यू झाला असून 22 जण जखमी झाले आहेत. जखमींवर नजीकच्या रुग्णालयात उपचार सुरु आहेत.

Pune Bengaluru Expressway Accident

पुणे-बंगळुरु महामार्गावर झालेल्या भीषण अपघात चार जणांचा मृत्यू झाला असून 22 जण जखमी झाले आहेत. जखमींवर नजीकच्या रुग्णालयात उपचार सुरु आहेत.

मध्यरात्री दोन वाजता पुणे-बंगळुरु महामार्गावर पुण्यातील नऱ्हे आंबेगाव परिसरात असणाऱ्या स्वामी नारायण मंदिराजवळ ट्रक आणि खाजगी बसचा भीषण अपघात झाला.

ट्रकने खाजगी ट्रॅव्हलच्या बसला पाठीमागून धडक दिल्याने हा अपघात झाला. ही खासगी बस नीता ट्रॅव्हल्स कंपनीची आहे. ही बस कोल्हापूर ते डोंबिवली असा प्रवास करत होती.

बसमधील प्रवासी गाढ झोपेत असताना अपघात झाला. ज्यात चार जणांचा जागीच मृत्यू झाला. मृतांमध्ये लहान मुलाचाही समावेश आहे.

चालकाचे ट्रकवरुन नियंत्रण सुटल्याने हा अपघात झाल्याची प्राथमिक माहिती समोर आली आहे. या अपघातात ट्रक चालकाचा देखील मृत्यू झाल्याचं कळतं.

अपघाताची माहिती मिळताच यानंतर अग्निशमन दलाकडून पुणे महानगरपालिकेची 4 अग्निशमन वाहने व 1 रेस्क्यु व्हॅन व पीएमआरडीए कडून 1 रेस्क्यु व्हॅन अशी एकूण 7 अग्निशमन वाहनं घटनास्थळी दाखल झाली.

बचाव पथकाच्या जवानांनी बसच्या मागील बाजूची काच फोडून दोरीचा वापर करत जखमी प्रवाशांना बाहेर काढलं.

जखमी अवस्थेत असलेल्या एकूण 22 जणांना पुणे आणि पीएमआरडीए अग्निशमन दलाच्या जवानांनी बाहेर काढले. त्यांना उपचारांसाठी जवळच्या रुग्णालयात दाखल करण्यात आलं आहे.

दरम्यान राष्ट्रवादी काँग्रेसच्या खासदार सुप्रिया सुळे यांनी नऱ्हे आंबेगाव इथे मध्यरात्री झालेल्या अपघातस्थळी भेट दिली. यावेळी त्यांनी परिसराची पाहणी करत आढावा घेतला.