Pune News : कुत्रा चुकून विहिरीत पडला, रात्रभर मदतीसाठी भुंकत होता अखेर 9 तासांनी अग्निशमन दलाने वाचवला जीव

पुण्यातील कोथरुड परिसरातील एका विहीर पडलेल्या कुत्र्याची अग्निशमन दलाच्या जवानाकडून सुखरुप सुटका करण्यात आली.

कोथरुड परिसरातील कुंबरे गार्डन भागात ही मोठी विहीर आहे.

रात्रीच्या सुमारात रस्त्याचा अंदाज न आल्याने कुत्रा या व्हिहिरीत पडला होता.

कोथरुड परिसरात मागील अनेक दिवसांपासून ही कठडे नसलेली विहिर आहे.

विहिरीत पडल्याने रात्रीपासून हा कुत्रा मदतीसाठी भुंकत होता.

अखेर आजूबाजुच्या सोसायटीच्या लोकांनी अग्निशमन दलाच्या जवानांना पाचारण केलं.

अग्निशमन दलाच्या जवानाने या कुत्र्याची दोराच्या साहय्याने सुटका केली.

त्यानंतर अग्निशमन दलाच्या जवानाचे नागरिकांनी आभार मानले.