Devendra Fadnavis : देवेंद्र फडणवीस यांचा नेम कुणावर, गेम कुणाचा?

उपमुख्यमंत्री देवेंद्र फडणवीस यांनी बंदुकीतील नेम साधला आहे.

तीन दिवसीय डिफेन्स एक्स्पोचं आज उदघाटन झालं.

डिफेन्स एक्स्पोच्या उद्धाटनादरम्यान महाराष्ट्र राज्याचे उपमुख्यमंत्री देवेंद्र फडणवीस यांनी स्वदेशी शस्त्रांची पाहणी केली.

स्वतः स्वदेशी रायफल हातात घेऊन पाहणी करत त्यांनी नेम साधला.

डिफेन्स एक्स्पो आजपासून सुरू झालं असून इथे स्वदेशी संरक्षण क्षेत्रातील लढाऊ साहित्य बघायला मिळतंय.

अत्याधुनिक शस्त्रांसह रणगाडे, हेलिकॉप्टर, मिसाईल, तोफा, पाणी बुडी बघायला मिळतेय.

डिफेन्स एक्स्पोन या प्रदर्शनाला विद्यार्थ्यानी मोठी गर्दी केली होती.

देवेंद्र फडणवीस यांचा नेम कुणावर, गेम कुणाचा? असा प्रश्न आता उपस्थित होत आहे.

संरक्षण उत्पादन क्षेत्रात 'आत्मनिर्भर भारता'च्या (Pune News) वाटचालीला आणखी बळकटी देण्यासाठी राज्य शासनाच्या उद्योग विभागामार्फत महाराष्ट्रातील संरक्षण साहित्य उत्पादन करणाऱ्या सूक्ष्म, लघु व मध्यम उद्योग (Mega defence expo) क्षेत्राला चालना देण्याच्या उद्देशाने 24 ते 26 फेब्रुवारीदरम्यान पुणे येथील आंतरराष्ट्रीय प्रदर्शन आणि कन्व्हेन्शन सेंटर येथे 'महाराष्ट्र एमएसएमई डिफेन्स एक्स्पोचे' आयोजन करण्यात आले आहे.

संरक्षण उत्पादन क्षेत्रात महत्त्वपूर्ण योगदान देण्यासाठी राज्यातील सूक्ष्म, लघु आणि मध्यम उद्योगांना सक्षम करणारा महाराष्ट्रातील अशा प्रकारचा हा पहिलाच डिफेन्स एक्स्पो आहे.