Girish bapat : थरथरते हात अन् व्हिलचेअरवर बसून आले कसब्याचे 'किंगमेकर'; गिरीश बापट भाजपच्या बैठकीत सहभागी

कसबा मतदार संघाचे उमेदवार हेमंत रासने यांच्या प्रचारासाठी खासदार गिरीश बापट यांनी हजेरी लावली आहे.

गिरीश बापट हे आजारी असूनही ते प्रचारासाठी मैदानात उतरले आहेत.

पुण्यातील केसरी वाड्यात भाजपची नगरसेवक, पदाधिकारी आणि कार्यकर्त्यांच्या बैठकीत ते मार्गदर्शन करणार आहेत.

बुधवारी, त्यांनी आजारपणाचं कारण देत भाजपचा प्रचार करु शकत नाही असं जाहीर केलं होतं.

प्रचारातून बापटांनी घेतलेली माघार हा भाजपसाठी मोठा धक्का होता.

त्यानंतर रात्री देवेंद्र फडणीसांनी बापटांची भेट घेतली होती.

त्यानंतर त्यांनी प्रचारासाठी जाण्याचा निर्णय घेतला होता. त्याप्रमाणे संध्याकाळच्या कार्यक्रमात बापट उपस्थित आहेत.

त्यांचं पक्षाच्यावतीने जय्यत स्वागतही करण्यात आलं.