भाऊबीज दिनी तरुणाचा अपघात, रस्त्याच्या कडेला बेशुद्धावस्थे; मंत्री गुलाबराव पाटलांचा ताफा मदतीला

जळगावच्या पाळधी गावाच्या बायपासजवळ घडलेल्या अपघातात एका दुचाकीस्वार तरुण गंभीर जखमी झाल्याचं दिसून आलं.

Jalgaon gulabrao patil help accident

जळगावच्या पाळधी गावाच्या बायपासजवळ घडलेल्या अपघातात एका दुचाकीस्वार तरुण गंभीर जखमी झाल्याचं दिसून आलं.

राज्याचे मंत्री आणि शिवसेना नेते तथा स्वतः जिल्ह्याचे पालकमंत्री गुलाबराव पाटील या रस्त्याच्या बाजुला पडलेल्या युवकाच्या मदतीला धावून आले.

भाऊबीज दिनी आज गुलाबराव पाटील हे जळगावच्या दिशेने जात असताना बायपासवर रस्त्याच्या कडेला बेशुद्ध अवस्थेत पडलेला तरुण त्यांच्या नजरेस पडला.

मंत्री महोदयांनी ताबडतोब आपले वाहन थांबवून जखमी तरुणाला मदत केली आणि एका खासगी कारमधून त्याला रुग्णालयात पाठवले.

आपल्या काही कार्यकर्त्यांना त्या तरुणासोबत पाठवून योग्य उपचार व्हावेत यासाठी डॉक्टरांशी स्वतः दूरध्वनीवर संपर्क साधला.

Continues below advertisement

गुलाबराव पाटील यांच्यामुळे अपघातग्रस्त तरुणाला वेळेत वैद्यकीय मदत मिळाली. दरम्यान दुचाकीवरील तरुणाचा अपघात कसा झाला?, हे मात्र कळू शकले नाही.

दरम्यान, पोलिसांनी देखील तात्काळ घटनास्थळी धाव घेत तरुणाची ओळख पटविण्याचं काम सुरू केलं होतं.