PHOTO : 'माझं काय चुकलं?' आमदार सुहास कांदे यांचे आदित्य ठाकरे यांना 10 सवाल

Suhas Kande Question

शिवसेना आमदार आणि माजी पर्यावरण मंत्री आदित्य ठाकरे नाशिक दौऱ्यावर आहेत. त्यांच्या या दौऱ्यात बंडखोर आमदार निवेदन देणार आहेत.

्मनमाडमध्ये आदित्य ठाकरे यांचा मेळावा होणार आहे.

या मेळाव्यात सुहास कांदे चार ते पाच हजार कार्यकर्ते घेऊन मनमाडला जाणार आहेत.

याबाबत मनमाडमध्ये होर्डिंग देखील लावले आहेत.

'माझं काय चुकलं' या आशयाखाली मतदारसंघातील कामांची यादी आणि हिंदुत्व या विषयावरुन शिवसेना कशी दूर गेली याचा उल्लेख या निवेदनात असणार आहे.

पालघर साधू हत्याकांड, मालवण येथील हिंदूंचं पलायन, स्वातंत्र्यवीर सावरकर या हिंदुत्वाच्या मुद्द्यापासून शिवसेना दूर गेली, यावर 'माझं काय चुकलं' असं म्हणत सुहास कांदे यांनी सवाल उपस्थित केले आहेत.

त्यांच्या या निवेदनात छगन भुजबळ, नवाब मलिक यांच्यासोबत युती केल्याचीही खंत व्यक्त करण्यात आली आहे.

हे निवेदन आदित्य ठाकरे यांना देण्याआधीच सोशल मीडियावर वेगवेगळ्या पोस्ट व्हायरल करत कांदे यांनी आदित्य ठाकरे यांना अनेक सवाल विचारले आहेत.

आदित्य ठाकरे यांना या सगळ्या प्रश्नांचे निवेदन देण्यासाठी सुहास कांदे चार ते पाच हजार कार्यकर्ते घेऊन जाणार आहेत.

सुहास कांदे यांच्या या भूमिकेमुळे आदित्य ठाकरे यांच्या दौऱ्यात तणावाचे वातावरण निर्माण झाले आहे.