PHOTOS : वाह रे नाशिककर! पूर बघण्यासाठी अख्खा गाडगे महाराज पूल भरला, जिल्हाधिकारी जलज शर्मा ताटकळले, नेमकं काय घडलं?

Nashik Rains : यंदाच्या मोसमातील सर्वाधिक विसर्ग गंगापूर धरणातून करण्यात आल्याने गोदावरी नदीला पूर आला आहे.

Nashik Rains

नाशिक शहरातील पावसाचा जोर काल सायंकाळपासून कमी झाला असला तरीही गोदावरी नदीची पूरस्थिती कायम आहे.

गंगापूर धरणातून यंदाच्या हंगामातील सर्वाधिक 10,988 क्युसेक वेगाने विसर्ग सुरू असल्याने गोदावरी नदीला पूर आलाय.

रविवारी सायंकाळी गोदावरी नदीला पूर आल्यानंतर पाणी दुतोंडया मारुतीच्या माथ्यावरून वाहत होतं. आता पाणी थोडं कमी होऊन छातीपर्यंत आलंय.

सोमवारी सकाळी जिल्हाधिकारी जलज शर्मा स्वतः पूरस्थितीचा आढावा घेण्यासाठी गाडगे महाराज पुलाजवळ आले. पण बघ्यांची गर्दी आणि बेशिस्त पार्किंगमुळे ते तिथंच ताटकळले.

गाडगे महाराज पुलावर पूर बघायला आलेल्या लोकांनी थेट रस्त्यावर वाहनं लावली. कोणतीही वाहतूक व्यवस्था नसल्याने या पुलावर मोठी वाहतूक कोंडी झाली होती.

Continues below advertisement

महापालिका आणि पोलिसांच्या ढिसाळ नियोजनाचा फटका जिल्हाधिकारी जलज शर्मा यांना बसला.

पाहणीसाठी आलेले वरिष्ठ अधिकारीच अडकले, यावरून व्यवस्थेचं चित्र स्पष्ट होतं.

काल सायंकाळपासून पावसाचा जोर काहीसा कमी झालाय.

पण गंगापूर आणि अन्य धरणांतून विसर्ग सुरूच आहे.

त्यामुळे पूरस्थिती कायम असून नागरिकांना सतर्कतेचे आवाहन करण्यात आले आहे.