Nandurbar Accident: अस्तंबा यात्रेवरून माघारी परतताना अपघात; चालकाचं पिकअपवरील नियंत्रण सुटलं अन्..., सहा जणांचा मृत्यू, अनेक जण गंभीर जखमी

Nandurbar Road Accident: नंदूरबार जिल्ह्यातील चांदशैली घाटात आज (शनिवारी) भीषण अपघात झाला आहे. या अपघातामध्ये सहा जणांचा मृत्यू झाला आहे.

Nandurbar Road Accident

नंदूरबार जिल्ह्यातील चांदशैली घाटात आज (शनिवारी) भीषण अपघात झाला आहे. या अपघातामध्ये सहा जणांचा मृत्यू झाला असून अनेक जण जखमी झाल्याची माहिती समोर आली आहे.

काही जणांची प्रकृती गंभीर आहे,त्यामुळे मृतांचा आकडा वाढण्याची शक्यता आहे. प्राथमिक माहितीनुसार, येथील चांदशैली घाटात पिकअप गाडी उलटून हा अपघात झाला.

या गाडीतील प्रवासी हे अस्तंबा यात्रेसाठी गेले होते. ही यात्रा संपवून माघारी परतत असताना काळाने या भाविकांवर घाला घातला.

चांदशैली घाटातून पिकअप गाडी जात असताना चालकाचे गाडीवरील नियंत्रण सुटले आणि मोठा अपघात झाला.

प्राथमिक माहितीनुसार, आतापर्यंत या अपघातामध्ये सहा जणांचा मृत्यू झाला आहे.

Continues below advertisement

तर अनेकजण जखमी झाले आहेत. यापैकी 10 जणांची प्रकृती गंभीर असल्याची माहिती आहे.

त्यामुळे दुर्घटनेतील मृतांची संख्या वाढण्याची दाट शक्यता आहे. सध्या या सर्वांना तळोदा उपजिल्हा रुग्णालयात उपचारासाठी नेले जात आहे.

या अपघातानंतर पोलीस तातडीने घटनास्थळी दाखल झाले.त्यांच्याकडून तातडीने बचावकार्य हाती घेण्यात आले. पोलिसांनी जखमींना पिकअप व्हॅनमधून बाहेर काढून उपचारासाठी रवाना केले.

पिकअप व्हॅन घाटात असताना चालकाचे नियंत्रण सुटले आणि गाडी पलटी झाली. त्यामुळे वाहनाच्या मागच्या भागात बसलेले लोक खाली दबले गेले. अनेकांना जबर मार लागला.

त्यामुळे त्यांचा जागीच मृत्यू झाला. पोलीस बचाकार्यासाठी घटनास्थळी आले तेव्हा येथील दृश्य भयावह होते. अनेक लोक जखमी अवस्थेत रस्त्यावर पडून होते.

यापैकी अनेकजण गंभीर जखमी दिसत होते. त्यामुळे या दुर्घटनेतील मृतांचा आकडा वाढण्याची दाट शक्यता आहे.