Nanded: शौच खड्ड्याचं पाणी विहिरीत, नांदेडमध्ये पाणीटंचाईत नागरिकांच्या आरोग्याचाही प्रश्न गंभीर, नागरिक वैतागले

Nanded Water Crisis: राज्यात आता पाणीटंचाईच्या झळा बसण्यास सुरुवात झाली असून नांदेडमधील चिंचोळा गावातील विहिरीत शौच खड्ड्यातील पाणी गेल्याने नागरिक वैतागले आहेत.

Nanded

नांदेड जिल्ह्यातील भोकर तालुक्यात आता पाणीटंचाईच्या झळा बसू लागल्या आहेत.

भोकर तालुक्यातील चिंचाळा गावातील गावकऱ्यांना एकच विहीर असल्यामुळे मोठा संघर्ष करावा लागतोय

प्रशासनाने एका बोरवेलचे अधिग्रहण केले आहे. मात्र बोरवेल मालक पाणी विक्री करतात. आणि नंतर विहिरीत पाणी सोडतात असा गावकऱ्यांचा आरोप आहे.

शौच खड्ड्यातील दूषित पाणी विहिरीत उतरत असल्याने नागरिकांचे आरोग्यही धोक्यात आले आहे.

गावातल्या पाणीटंचाईवर कायमस्वरूपी तोडगा काढण्याची गावकऱ्यांची मागणी आहे.

ग्राम सेविका ,न तलाठी ,न तहसीलदार कुठलाही अधिकारी गावात यायला तयार नाही अशी ओरड सध्या सुरू आहे.

गावातील महिलांसह लहान मुलेही पाणी शेंदण्यासाठी विहिरीवर जात आहेत.

गावात एकच विहिर असल्याने नागरिकांना पाणी भरण्यासाठी ताटकळावे लागत असून विहिरीत आता पाणी तळाला गेल्याने चिंता व्यक्त केली जात आहे.