Thackeray Group BMC Morcha: ठाकरेंच्या मोर्चापूर्वीच वातावरण तापलं; 'सुशांत सिंह राजपूतला न्याय द्या', मुंबई पालिकेच्या आवारात फलक झळकले

माजी मंत्री आणि आमदार आदित्य ठाकरेंच्या नेतृत्वाखाली ठाकरे गटाचा हा मोर्चा महापालिकेच्या दिशेनं कूच करणार आहे.

मुंबई महापालिकेत भ्रष्टाचार होत असल्याचा आरोप करत ठाकरे गटाकडून मोर्चाची हाक देण्यात आली आहे.

आदित्य ठाकरेंच्या मोर्चा आधीच वातावरण तापल्याचं पाहायला मिळत आहे.

मुंबई महानगर पालिकेच्या आवारात 'सुशांत सिंह राजपूतला न्याय द्या', अशा आशयाचे फलक लावण्यात आले आहेत.

सुशांत सिंह राजपूतच्या चाहत्यांनी 'सुशांत सिंह राजपुतला न्याय द्या', अशी मागणी हे फलक लावून केली आहे.

आम्ही न्यायाच्या प्रतीक्षेत आहोत असं देखील या बॅनरवर छापण्यात आलं आहे.

image 7

सुशांत सिंह राजपूतसोबतच दिशा सालियानलाही न्याय द्या, अशा आशयाचे बॅनर्स झळकवण्यात आले आहेत.

दरम्यान, मुंबई महानगरपालिकेच्या आवारासोबतच मुंबई इतरत्रही बॅनर्स झळकवण्यात आले आहेत.