Mumbaicha Raja Visarjan 2025 : निरोप घेतो देवा आता आज्ञा असावी.... मुंबईचा राजा गणेश गल्लीतून निघाला; विसर्जन मिरवणुकीला सुरुवात, गर्दीचा महासागर

Mumbai Ganesh Visarjan Update : आज अनंत चतुर्दशी निमित्त राज्यभरात दहा दिवसांच्या गणेशोत्सवाला भावपूर्ण निरोप दिला जात आहे.

Mumbaicha Raja Visarjan 2025 Update

आज अनंत चतुर्दशी निमित्त राज्यभरात दहा दिवसांच्या गणेशोत्सवाला भावपूर्ण निरोप दिला जात आहे.

या उत्सवाच्या पारंपरिक जल्लोषात आणि भक्तिभावात मुंबईतील गणेशगल्लीचा "मुंबईचा राजा" देखील विसर्जनासाठी मार्गस्थ झाला आहे.

गणेश गल्लीतील राजाची सकाळी आरती पार पडली असून त्यानंतर विसर्जन मिरवणुकीला सुरुवात झाली आहे.

ढोल-ताशांचा गजर, टाळ-मृदंगाचा निनाद आणि "गणपती बाप्पा मोरया"च्या घोषणांनी संपूर्ण गल्ली दुमदुमली आहे.

भक्तांच्या गर्दीत श्रद्धा, भावना आणि उत्साहाचा महापूर ओसंडून वाहत आहे.

मुंबईकरांसाठी विशेष आकर्षण असलेल्या लालबागच्या राजाचे विसर्जन मात्र सकाळी 10 वाजता होणार आहे.

त्यामुळे आजचा दिवस भावनांचा, भक्तीचा आणि उत्सवाच्या निरोपाचा सोहळा ठरणार आहे.