Mumbai News: विधानभवनाच्या बाहेर तरूणाचं झाडावरती चढून आंदोलन, खाली उतरवण्यासाठी प्रयत्न सुरू, काय आहे त्याची मागणी?

Mumbai News: या तरुणाला झाडावरून खाली उतरवण्यासाठी पोलीसांचा मोठा फौजफाटा या परिसरात दाखल झाला. विधानभवन परिसरामध्ये हा सर्व प्रकार घडलेला आहे.

Mumbai News

विधान भवनाच्या बाहेर असलेल्या झाडावरती चढून एका तरुणाने आंदोलन सुरू केलं आहे. सेंद्रीय माॅलची संकल्पना असल्याचा बॅनर हातात घेऊन तो झाडावरती आंदोलन करत आहे.

या तरुणाला झाडावरून खाली उतरवण्यासाठी पोलीसांचा मोठा फौजफाटा या परिसरात दाखल झाला. विधानभवन परिसरामध्ये हा सर्व प्रकार घडलेला आहे.

आज अधिवेशनाचा शेवटचा दिवस आहे. अशातच एका तरूणाचे या परिसरात असलेल्या झाडावर चढून आंदोलन सुरू आहे. फायर ब्रिगेडचे जवान या तरुणाला खाली उतरवण्यासाठी प्रयत्न करत आहेत.

या तरुणाला खाली उतरवण्यासाठी मोठी सिडी लावण्यात आली आहे. विधानभवनाच्या प्रवेशद्वाराजवळच असलेल्या मोठ्या झाडावरती चढून तरूणाने आंदोलन सुरू केलं आहे.

सेंद्रीय शेतीची मागणी तो करत आहे. त्या तरूणाच्या हातामध्ये तिरंगा देखील आहे. सेंद्रीय मॉलच्या संकल्पनेचं बॅनर त्याच्या हातामध्ये आहे.

कोणतीही अनुचित घटना घडू नये यासाठी प्रयत्न सुरू आहे, गेली वीस ते पंचवीस मिनीटांपासून त्याचं आंदोलन सुरू आहे, त्यामुळे परिसरामध्ये मोठ्या प्रमाणावर वाहतूक कोंडी झाली आहे.

या तरुणाने झाडावर चढून आता आंदोलन करत असताना स्वतःचं रील तयार करुन युट्युब ला अपलोड केले आहे. पोलिस झाडावर चढून आंदोलन मागे घेण्याची विनंती करत आहेत.