मुंबईतील मध्य रेल्वेलाईनवर लोकल रुळावरुन घसरली; वाहतूक खोळंबली

मुंबईकरांची जीवनवाहिनी, चाकरमान्यांची दररोजची सोबती म्हणजे मुंबईची लोकल. लाखो मुंबईकर लोकलने दररोज प्रवास करतात

मुंबई लोकल प्रवास सुरक्षीत पण गर्दीमुळे तितकाच धोकादायकही मानला जातो. त्यात कधी रेल्वे अपाताच्या घटनांमुळे हा प्रवास चिंताजनकही बनतो.

मुंबईतील मध्य रेल्वे लाईनवर टिटवाळा-सीएसटी मार्गावर आज लोकलच्या गार्डचा डब्बा घसरला.

कल्याण रेल्वे स्टेशनवर प्लॅट फर्म नंबर दोनवर ही घटना घडली, त्यानंतर रेल्वेच्या कर्मचाऱ्यांनी व आरपीएफ जवानांनी तत्काळ घटनास्थळी जाऊन पाहणी केली.

सुदैवाने या अपघातात कोणतीही जीवितहानी झाली नाही, मात्र ट्रेन रुळावरुन खाली आल्याने अनेकांच्या काळजाचा ठोका चुकला होता.

सध्या रेल्वे डब्बा रुळावर आणण्याचे प्रयत्न सुरू असून या मार्गावर वाहुतकीला अडथळा निर्माण झाला आहे.