BEST Bus Fire : भर गर्दीच्या वेळी मुंबईत 'बर्निंग बस'चा थरार; अंधेरी स्थानकाजवळ बस जळून खाक

मुंबईतील अंधेरी रेल्वे स्टेशन परिसरात आगरकर चौक बस डेपो जवळ बसला मोठी आग लागली.

आज बुधवारी, संध्याकाळी 6:30 च्या सुमारास बेस्टची बस प्रवासासाठी निघत असताना आग लागली.

आग लागली असल्याचे समजताच बसमधून सर्व प्रवाशांना सुखरूप बाहेर काढण्यात आले.

घटनास्थळावर अग्निशमन दलाच्या दोन गाड्यांनी तातडीने धाव घेतली.

अग्निशमन दलाच्या जवानांनी आगीवर नियंत्रण मिळवण्याचे प्रयत्न युद्ध पातळीवर केले. जवळपास 7.15 वाजण्याच्या सुमारास आगीवर नियंत्रण मिळवण्यास यश आले.

बसला लागलेल्या आगीमुळे अंधेरी स्थानकाकडे जाणारा एक मार्ग बंद करण्यात आला होता. त्यामुळे वाहतूक कोंडी आणि लोकांची गर्दी झाली होती.

या आगीत बेस्टची बस संपूर्णपणे जळून खाक झाली.

गेल्या काही दिवसांमध्ये बेस्टच्या बसमध्ये आग लागण्याच्या घटना वाढू लागल्या आहेत.

बसला आग लागण्याच्या घटना घडत असल्याने प्रवाशांमध्ये भीतीचे वातावरण निर्माण झाले आहे.