PHOTO : राजसाहेब-उद्धवसाहेब आता तरी एकत्र या...शिवसेना भवन, दादर परिसरात मनसैनिकाकडून बॅनर

महाराष्ट्रातील राजकीय भूकंपानंतर मनसेकडून शिवसेना भवन आणि दादर परिसरात लावण्यात बॅनर आले आहेत.

राज ठाकरे आणि उद्धव ठाकरेंनी एकत्र यावे असे साद घालणारे बॅनर मनसैनिक लक्ष्मण पाटील यांनी लावले आहेत.

बॅनरवर बाळासाहेब ठाकरे यांच्यासोबत राज ठाकरे आणि उद्धव ठाकरे यांचा एकत्रित फोटो लावण्यात आला आहे.

महाराष्ट्राच्या राजकरणाचा चिखल झाला…राजसाहेब-उद्धवसाहेब आता तरी एकत्र या…संपूर्ण महाराष्ट्र वाट पाहत आहे असा मजकूर यात लिहिलं आहे.

सोशल मीडियावर सुद्धा राज-उद्धव यांनी एकत्र यावे अशा अनेक पोस्ट सध्या पाहायला मिळत आहेत.

दादर शिवसेना भवन परिसरातील या बॅनर चर्चेचा विषय ठरत आहे.

राज्याच्या राजकारणाचा चिखल झाला असून राजकारण खालच्या स्तरावर गेल्याने जीव तुटतो अशी प्रतिक्रिया राज ठाकरे यांनी दिली.

2 जुलै 2023 हा दिवस राज्याच्या राजकारणात भूकंप घडवणारा ठरवला. अजित पवारांसह राष्ट्रवादीतील एका गटाने शिंदे-फडणवीस सरकारला पाठिंबा दिला.

या सगळ्या प्रकारानंतर आता राज ठाकरे आणि उद्धव ठाकरे यांनी एकत्र यावे, अशी भावना सामान्य कार्यकर्त्यांकडून व्यक्त केली जात आहे.