Mumbai Local: मुंबईकरांसाठी मोठी बातमी; लोकलच्या दिवसाला अतिरिक्त 300 फेऱ्या वाढणार, पाहा A टू Z माहिती

Mumbai Local: मुंबई लोकल सेवेला अधिक सक्षम करण्यासाठी विविध प्रकल्प हाती घेण्यात आले आहे.

Mumbai Local

एकूण 16 हजार 400 कोटी खर्चाच्या या प्रकल्पांमुळे मुंबई उपनगरी रेल्वे अधिक वेगवान आणि प्रवासीसंख्या हाताळण्यासाठी सक्षम होणार आहे.

मुंबई महापालिकेच्या निवडणुका याच वर्षी होणार असल्याने या इलेक्शन बजेटकडे सगळ्यांचेच लक्ष असणार आहे.

मुंबई महापालिका आयुक्त आणि प्रशासक भूषण गगराणी हे पहिल्यांदाच अर्थसंकल्प मांडतील. मुंबईत विविध योजनांसाठी आणि पायाभूत सुविधांसाठी भरीव तरतूद या अर्थसंकल्पात असेल असं सांगितलं जातंय. याआधी म्हणजेच 1 फेब्रुवारी 2025 रोजी केंद्रीय अर्थसंकल्प सादर झाला. यामध्ये अर्थसंकल्पात रेल्वे प्रकल्पांसाठी भरघोस तरतूद करण्यात आली आहे.

पंतप्रधान नरेंद्र मोदी यांचे सरकार तिसऱ्यांदा सत्तेवर आल्यानंतर पहिल्या अर्थसंकल्पात महाराष्ट्रासाठी रेल्वेकरिता तब्बल 23 हजार 778 कोटींची तरतूद करण्यात आली आहे.

मुंबई लोकल सेवेला अधिक सक्षम करण्यासाठी विविध प्रकल्प हाती घेण्यात आले असून, दिवसाला 300 अतिरिक्त लोकत फेऱ्या वाढणार आहेत, अशी माहिती केंद्रीय रेल्वेमंत्री अश्विनी वैष्णव यांनी दिली.

Continues below advertisement

बोरिवली-विरार पाचवी-सहावी मार्गिका, कुर्ला-सीएसएमटी पाचवी-सहावी मार्गिका, तसेच पनवेल-कर्जत उपनगरी कॉरिडॉर यासारख्या 301 किलोमीटरच्या नवीन रेल्वे मार्गिका प्रकल्पांचा यामध्ये समावेश आहे.

सध्या दिवसाला मध्य आणि पश्चिम रेल्वेवर 3000 लोकल फेऱ्या धावत आहेत. यामध्ये दहा टक्के क्षमता वाढ होणार आहे.