Lalbaugcha Raja Visarjan 2024 : गिरगाव चौपाटीवर मुंगी शिरायलाही जागा नाही, अलोट जनसागर, लालबागचा राजाच्या आरतीने वातावरण भारलं

तमाम गणेशभक्तांच्या श्रद्धेचं स्थान असलेला लालबागच्या राजा आज भक्तांचा निरोप घेणार आहे.

तब्बल 22 तासांपासून सुरु असलेली बाप्पाची मिरवणूक आत्ता गिरगांव चौपाटीवर येऊन दाखल झाली आहे.

यावेळी लालबागच्या राजाची शेवटची आरती भक्तांकडून पार पाडण्यात आली.

यासाठी शेकडो भाविक ठिकठिकाणांहून मेलौन् मैल चालत गिरगांव चौपाटीवर आपल्या लाडक्या बाप्पाला निरोप द्यायला आले आहेत.

यावेळी गिरगांव चौपाटीवर भक्तिमय आणि भावूक वातावरण पाहायला मिळालं.

नवसाला पावणारा अशी ख्याती असलेला, लालबागचा राजा लालबागसह संपूर्ण जगभरातील भक्तांचं श्रद्धास्थान आहे.

लालबागचा राजा दहा दिवसांच्या पाहुणचारानंतर आज भक्तांचा निरोप घेणार आहे.