Mumbai International Cruise Terminal: देशातील सर्वात मोठ्या आंतरराष्ट्रीय क्रूझ टर्मिनलचे आज मुंबईत उद्घाटन, समुद्राच्या लाटांसारखा छताची रचना; एकावेळी 5 क्रूझ पार्क होणार

Mumbai International Cruise Terminal: एमआयसीटी भारताच्या क्रूझ पर्यटन क्षेत्राला मोठी चालना देईल अशी अपेक्षा आहे. एकाच वेळी पाच क्रूझ जहाजे सामावून घेऊ शकते.

Mumbai International Cruise Terminal

मुंबईत देशातील सर्वात मोठ्या अत्याधुनिक आंतरराष्ट्रीय क्रूझ टर्मिनलचे उद्घाटन होणार आहे. पीएम मोदींच्या हस्ते ऑनलाईन उद्घाटन होईल.

मुंबई बंदरातील इंदिरा डॉक, बॅलार्ड पियर येथे क्रूझ टर्मिनलची निर्मिती करण्यात आली आहे.

याला मुंबई आंतरराष्ट्रीय क्रूझ टर्मिनल (एमआयसीटी) असे नाव देण्यात आले आहे. खर्चाचा अंदाज ₹556 कोटी आहे.

याला भारतीय क्रूझ पर्यटनाचे प्रवेशद्वार म्हटलं जाईल. त्याचे छत समुद्राच्या लाटांसारखे दिसण्यासाठी डिझाइन केलं आहे.

सरकारने क्रूझ इंडिया मिशन अंतर्गत हे टर्मिनल जागतिक मानकांनुसार विकसित केले आहे.

415000 चौरस फूट क्षेत्रफळ असलेले, हे टर्मिनल दरवर्षी 10 लाख प्रवाशांना हाताळण्यास सक्षम आहे.

एकाच वेळी पाच क्रूझ जहाजे सामावून घेऊ शकते.

यात 72 चेक-इन आणि इमिग्रेशन काउंटर आहेत, ज्यामुळे प्रवाशांना जलद आणि अखंड अनुभव मिळतो.

या प्रकल्पांचे उद्दिष्ट सांस्कृतिक पर्यटनाला चालना देणे आणि प्रदेशात पर्यावरणीय शाश्वतता मजबूत करणे आहे. एमआयसीटी भारताच्या क्रूझ पर्यटन क्षेत्राला मोठी चालना देईल अशी अपेक्षा आहे.