नदीपात्रातील पाण्यात वाढ झाल्याने बाहेर पडलेल्या मगरीला वाहनाची धडक, गोरेगावातील नदीपूलावर मृत्यू

Crocodile in Goregon : गेली दोन दिवस सुरू असलेल्या संततधार पावसामुळे गोरेगाव येथील काळ नदीपात्राच्या पाण्यात वाढ झाली आहे.

त्यामुळे पात्रातील मगरी बाहेर पडत असल्याची बाब समोर आली आहे.

अशाच प्रकारे नदीपात्रा बाहेर आलेल्या एका चार फूट लांबीच्या मगरीचा मृत्यू झाल्याची घटना घडली आहे.

गोरेगावातील नदीपूलावर मगरीचा मृत्यू झाला आहे.

वाहनाची धडक लागल्याने मृत्यू झाला असल्याचा अंदाज व्यक्त केला जात आहे.

स्थानिक लोकांना रस्त्यावर मगर आढळली, त्यानंतर मगरीजवळ बघ्यांची गर्दी जमली होती.

माणगाव तालुक्यातील काळ नदीच्या पुलावरील रस्त्यावर मगरीला वाहनाची ठोकर लागली.

वाहनाची ठोकर लागल्याने मगरीचा मृत्यू झाल्याची माहिती स्थानिकांनी दिली आहे.

गेल्या दोन दिवसांपासून मुंबईसह राज्यातील अनेक भागात जोरदार पाऊस पडतोय.

दरम्यान, पावसाचा फटका वन्यप्राण्यांना देखील बसताना दिसत आहे.