मंत्रालयाबाहेर नाशिकच्या आंदोलकांचा आत्मदहनाचा प्रयत्न; पेट्रोलच्या बाटल्या घेऊन जोरदार घोषणाबाजी, पोलिसांची वेळीच कारवाई

Mumbai: अतिक्रमणाविरोधातील कारवाई थांबवावी आणि मागण्या मान्य कराव्यात, यासाठी आंदोलकांनी आत्मदहनाचा इशारा दिला होता.

mumbai

नाशिकमधील अंबड येथील काही आंदोलकांनी मंत्रालयाबाहेर गेटजवळ आत्मदहनाचा प्रयत्न केला. या वेळी घोषणाबाजी करणाऱ्या काही महिलांसह अनेकांना पोलिसांनी ताब्यात घेतले.

आज भारताचा ७९ वा स्वातंत्र्य दिन असतानाच, नाशिकमधील अंबड येथील काही आंदोलकांनी मंत्रालयाबाहेर गेटजवळ आत्मदहनाचा प्रयत्न करून खळबळ उडवून दिली.

लिसांनी तत्काळ कारवाई करत काही महिलांसह आंदोलकांना ताब्यात घेतले. घोषणाबाजी करणाऱ्या आंदोलकांच्या हातातील पेट्रोलच्या बाटल्या आणि बॅनर्स पोलिसांनी जप्त केले.

आंदोलकांचा आरोप आहे की, नाशिक महानगरपालिकेच्या जागांवर अतिक्रमण झालेल्या तब्बल 130 कंपन्यांविरोधात गेल्या नऊ महिन्यांपासून आम्ही तक्रार करत आहोत, मात्र सरकार कारवाई करत नाही.

“नाशिकमध्ये उद्योग मंत्री फक्त खोके घेण्यासाठी येतात” असा थेट आरोपही आंदोलकांनी केला.

याशिवाय, महानगरपालिकेच्या जागेत जुगार अड्डा सुरु असल्याचे आणि महानगरपालिकेच्या पत्र्याबाबत वारंवार कळवूनही कोणतीही कार्यवाही होत नसल्याचे आंदोलकांनी सांगितले.

अतिक्रमणाविरोधातील कारवाई थांबवावी आणि मागण्या मान्य कराव्यात, यासाठी त्यांनी आत्मदहनाचा इशारा दिला होता.

आज मंत्रालयाबाहेर प्रत्यक्ष प्रयत्न करण्यात आला, मात्र पोलिसांनी वेळीच हस्तक्षेप करून तो अयशस्वी ठरवला.

image 9