निर्बंध शिथिलतेनंतरची पहिली अंगारकी, सिद्धिविनायक मंदिरात भक्तांची गर्दी

गणेश भक्तांसाठी महत्त्वाची असणारी अंगारकी चतुर्थी आज मंगळवारी आहे. अंगारकी चतुर्थी म्हटलं की गणेशभक्तांमध्ये विशेष उत्साह दिसतो.

अंगारकी संकष्टी चतुर्थी दिवशी गणपतीची आराधना आणि व्रत केल्यास वर्षभरातील संकष्टीचे पुण्य मिळते अशी भावना आहे.

त्यामुळे भाविकही अगदी भक्तीभावाने गणेशाची पूजा करून, त्याच्यासाठी उपवास धरून हे व्रत करतात. आज 23 नोव्हेंबर रोजी रात्री 08:27 वाजता चंद्रोदय होईल.

अंगारकीनिमित्त मुंबईतलं सिद्धिविनायक मंदिर रात्रभर खुलं होतं.

याशिवाय पुण्यातल्या दगडूशेठ हलवाई मंदिरासह राज्यभरातील सर्व गणेश मंदिरांमध्ये भाविकांनी पहाटेपासूनच दर्शनासाठी गर्दी केली आहे.