ट्रेनिंग चार्टर विमान कोसळून एक जण ठार तर एक जण जखमी, पाहा फोटो

ट्रेनिंग चार्टर विमान कोसळून एक जण ठार तर एक जण जखमी झाल्याची दुर्दैवी घटना जळगाव जिल्ह्यात चोपडा तालुक्यातील वर्डी गावा जवळ सातपुडा पर्वत रांगेत घडली आहे.

ही घटना काही वेळा पूर्वीच घडली असल्याची माहिती पोलिस सूत्रांनी दिली असून हे चार्टर विमान कुठे जात होते.

त्याचा अपघात कशामुळे झाला किंवा त्यातील व्यक्ती कोण याची अद्याप माहिती पोलिंसाना उपलब्ध झालेली नाही.

स्थानिक ग्रामस्थ या ठिकाणी मदतीला धावले असून यात चार्टर विमानमधील महिलेची सुटका करण्यात त्यांना यश मिळाले आहे. तरी पुरुषाचा मात्र मृत्यू झाला आहे.

ही घटना जंगल परिसरात घडली असल्याने या ठिकाणी पोहचण्यासाठी यंत्रणेला ही मोठे कष्ट पडत असल्याचे सांगण्यात येत आहे.घटनास्थळी अद्यापही मदत व बचाव कार्य सुरु आहे.