Tomato Prices: 100 रुपयांचा टोमॅटो 5 रुपयांवर आला, भाव पडल्याने बीडचा बळीराजा हवालदिल झाला

तापमानाचा उच्चांक आणि अवकाळी पावसाच्या इशाऱ्यांमुळे सध्या 100 रुपयांवर असणारा टोमॅटोचा भाव अवघ्या पाच रुपयांवर आल्याने शेतकरी हवालदिल झालाय.

tomato price drop

टोमॅटोचे दर कोसळल्याने टोमॅटो उत्पादक शेतकरी आर्थिक संकटात सापडला आहे.

बीड तालुक्यातील मुळुकवाडी येथील शेतकरी अशोक ढास यांनी एक एकर मध्ये दीड लाखांचा खर्च केला होता.

मात्र ऐन तोडणी वेळी टोमॅटोचे दर कोसळल्याने ढास यांनी टोमॅटो बाजारात विक्रीसाठी देखील नेले नाहीत.

सध्या उन्हाची तीव्रता वाढल्याने टोमॅटोला गळती लागलीय. यातच टोमॅटोचे दर घसरले असून खत, बियाणे, मजुरी यासाठी केलेला खर्च देखील आता निघत नाहीये.

दीड लाखांचा खर्च वगळून पीक काढण्यासाठी त्यांना 25 हजार रुपयांचा खर्च लागणार आहे. दरम्यान ही परिस्थिती लक्षात घेता टोमॅटो उत्पादक शेतकरी हवालदिल झाला आहे.