In Pics | श्री स्वामी समर्थ प्रकट दिनाच्या निमित्तानं अक्कलकोट येथील वटवृक्ष मंदिरातील खास क्षण

अक्कलकोटनगरीमध्ये आणि जगाच्या पाठीवर कुठेही असणाऱ्या भक्तांच्या हाकेला धावणाऱ्या श्री स्वामी समर्थ यांचा आज प्रकट दिन.

कोरोना महामारीच्या संकटामुळं स्वामी समर्थांचा प्रकट दिनही अगदी साधेपणानं साजरा केला जात आहे.

विविध ठिकाणी असणाऱ्या स्वामीच्या मठांमध्ये विधीवत पूजा अर्चाही पार पडली आहे. यातच अक्कलकोट येथील वटवृक्ष मंदिर संस्थानच्या वतीनं सोशल मीडियावर काही छायाचित्र पोस्ट करण्यात आली.

स्वामींचं दर्शन भक्तांना या निमित्तानं झालं.

अशक्यही शक्य करतील स्वामी... असं म्हणत स्वामींवर नितांत श्रद्धा असणाऱ्या अनेक भाविकांनी आजच्या दिवशी दुरूनच का असेना त्यांच्या चरणी श्रद्धासुमनं अर्पण केली.

प्रकट दिनाच्या निमित्तानं स्वामींची अलंकारिक पूजा करण्यात आली. यावेळी सोहळ्यातील प्रत्येक दृश्य पाहण्याजोगं होतं. (सर्व छायाचित्र- श्री स्वामी समर्थ वटवृक्ष मंदिर अक्कलकोट/ फेसबुक पेज)